Proiec atuei y finei

2017

Na lia che lëura adum cun nëus dl Deutschland tol la dezijion de finanzië l fabriché de na nueva scola, dal inuem "Liegmann".

Tlo possa na pert di mutons dla Maison Aman jì a scola adum a autri mutons y avëi nsci na bona istruzion. Nëus se on tëut dant de anjinië ite la 6 tlasses dla scola cun banc i tofles. La strutura nueva ie ativa da setëmber dl 2017.

Utober

2016

 Chësc proiet pea via da na grupa de jëuni dla Val de Sarentin. Tres n aiut finanziel de ngrum de dunadëures y la region Trentin-Südtirol vëniel metù su sui tëc dla scola n gran mplant fotovoltaich che ti da strom a plu de 100 computer y sambën a duta la scola.

I jëuni Samuel, Christian y Valentin (che ie pona nce zapei ite tl Team HG) y autri trëi ulenteres va a Goma per doi enes y anjënia ite l mplant.

Mei
2016

Tres chësc proiet vën te uni tlas fat ite n susot de lën cun na ilumiazion. L strom per la lums vën dal pitl mplant fotovoltaich metù su sun tët, a na maniera da pudëi vester autonoms dal strom dl stat che ne ie nia stabil.

Nce i purtons vën mudei ora per garantì na mieura segurëza di mutons.

2015

Tres na azion de benefiz tl hotel Hotel Cavallino Bianco de Urtijëi y n si stustëni an pudù abiné adum na gran soma per anjenië ite na cësa da fuech nueva tla Maison Amani.

2014

Do vester stac d'instà cun na bela grupa de ndut 7 ulenteres a Goma, tulons la dezijion de sustenì la cësa "Maison Amani" scumencian cun adozions a destanza. Chësc ie n gran debujën acioche la atività de basa dla Maison Amani posse unida trata inant per duc per dut l ann.

A chësta maniera possa śën ufiertes abinedes adum unides adurvedes per miuramënc dla scola.

 Lugio

2012

Cun n segondo viac a Goma l'ann do vën la grupa de esperc nsenieda ju inant per ti nsenië a mantenì ti ani sciche se toca i computer. Chëst iede ie nce Aaron pea che se da ju dantaldut cun i nsenianc ti pitan cursc. Truep nsenianc à puecia o nce gor deguna esperienza pratica cun l computer.

Fauré

2011

Per cajo ruva Alex y Isabella sëura che te na cësa che tol su i mutons plu pueres de n ridl dla zità ne ai plu degun mesuns finanziei per ti pité n cëif ciaut coche i fajova nchin śën, per trueps l sëul de dut n di. I doi jëuni tol la dezijion de adurvé na gran dunfierta data pea da na familia de Sëlva per mëter inò a ji chësta marënda, jan a cumpré ite dut l debujën...

 Jené nchin mei

2011

Bele ti ani passei fovel unì mandei ju computer da na grupa de Gherdëina, śën fovel gran ëura di meter apost y judé a anjenië ite na aula de nfurmatica acioche i sculeies pudësse jì a mparé iló. Alex y Isabella va a Goma, anjënia ca i computer y nsënia per un n semester alalongia nfurmatica te 20 tlasses a bën 800 sculeies.

Sëuraprò vëniel furmeda na pitla grupa de esperc che à pona l duvier de se cruzie di computer do che Alex y Isabella ie inò de reviers tl Europa.